Versti stormur í tvo áratugi

Tuttugu og fimm er látnir eftir að fárviðri gekk yfir sex fylki í Bandaríkjunum. Hvirfilbylir, haglél og flóð fylgdu veðrinu sem skyldi eftir sig slóð eyðileggingar.

Stormurinn olli gríðarlegu tjóni í suðurríkjum Bandaríkjanna. Í Norður Karólínu bárust til dæmis tilkynningar um 62 skýstrokka. Í Oklahóma og Virgínu eyrði stormurinn engu. Haglél, flóð og skýstrokkar rifu upp hús og eyðilögðu götur. Þetta er versti stormur á þessu svæði í tvo áratugi.

Tuttugu og fimm hafa fundist látnir en yfirvöld eru hrædd um að sú tala muni hækka þegar hægt verður að leita í rústum. Einn af þeim sem lést var eldri maður en samkvæmt bandarískum fréttamiðlum lenti húsbíll mannsins í miðjum skýstrokki, tókst á loft, flaug um kílómeters leið og lenti upp á hraðbraut.

Fylkisstjórinn í Norður Karólínu, Bevely Perdue, hefur lýst yfir neyðarástandi. Við biðjum fyrir íbúum Norður Karólínu sem upplifðu þennan hræðilega dag, sagði hún. Stormurinn færist nú austar en hefur misst talsvert afl.