Neymar sakar stuðningsmenn Skota um kynþáttaníð

Brasilíski framherjinn Neymar, sem skoraði bæði mörkin í 2-0 sigri á Skotum í æfingaleik liðanna í gær, sakar stuðningsmenn Skota um að beitt sig kynþáttaníði.

Fjölmiðlafulltrúi brasilíska liðsins hefur staðfest að banana hafi verið kastað inn á völlinn á meðan leiknum stóð.

„Það viðhorf sem virðist ríkja gagnvart kynþáttaníði er mjög sorglegt,“ sagði Neymar í samtali við brasilíska sjónvarpsstöð en leikurinn fór fram á Emirates-leikvanginum í Lundúnum.. „Við komum hingað til að spila og svona lagað gerist.“

Talsmaður skoska knattspyrnusambandsins tók fyrir þetta. „Ekkert í þessum dúr hefur verið tilkynnt til lögreglu né heldur yfirmanns öryggismála á vellinum,“ sagði hann. „Þvert á móti voru þeim tugum þúsunda stuðningsmanna skoska landsliðsins sem komu á leikinn hrósað fyrir góða hegðun.“

„Þetta er sorlgegt en ég mun ekki hafa of miklar áhyggjur af þessu,“ bætti Neymar við. „Þetta var frábær dagur og sannarlega minnisstæður.“