Ferguson: Hefðum átt að gera betur

Sir Alex Ferguson, stjóri Man. Utd, var að vonum niðurlútur eftir markalausa jafnteflið gegn Blackburn í dag.

Chelsea er eftir leikinn komið í afar vænlega stöðu á toppi deildarinnar.

„Þetta eru frábær úrslit fyrir Chelsea. Þeir eiga heimaleik gegn Bolton á þriðjudag sem þeir vinna líklega," sagði Ferguson sem var svekktur með nýtingu sinna manna á færunum í dag.

„Valencia hefði átt að skora. Hann fékk gullið tækifæri. Við réðum lögum og lofum í leiknum en við verðum að skapa fleiri færi og nýta þau. Það er alltaf erfitt að spila hérna en við hefðum samt átt að gera betur."