Shawcross: Mér líður hræðilega yfir því sem gerðist

„Þetta var óviljandi og það var enginn illur ásetningur með tæklingunni. Ég myndi aldrei meiða neinn viljandi.

Mér þykir miður að Aaron hafi meiðst svona illa og ég sendi honum hugheilar kveðjur í von um að hann nái sér fljótt aftur," sagði varnarmaðurinn Ryan Shawcross hjá Stoke í viðtali við opinbera heimasíðu félagsins í gærkvöldi.

Shawcross lenti í því að fótbrjóta Aaron Ramsey hjá Arsenal í leik liðanna í gær og hlaut fyrir vikið rautt spjald en atvikið skyggði óneitanlega á þá staðreynd að hinn 22 ára gamli Shawcross var valinn í landsliðshóp Englands í fyrsta skipti sitt á ferlinum í gær.