Sauðburði lokið í Laugardal

Ær Fjölskyldu- og húsdýragarðsins eru allar bornar og fjöldi lamba hefur aldrei verið meiri, samkvæmt upplýsingum frá Unni Sigþórsdóttur, deildarstjóra fræðsludeildar garðsins.

Alls komu 9 hrútar og 8 gimbrar. Geitur garðsins slógu einnig met í fjölda kiðlinga. Sauðfé ásamt geitfé og nautgripum er farið að fara út á grasstykki eftir að hafa verið á húsi í vetur.

Opið er alla Hvítasunnuhelgina í garðinum frá 10 til 17 og munu kiðlingar og lömb taka á móti gestum ásamt öðrum íbúum garðsins. Opið verður í Hafrafelli frá 13 til 16. Þar verður hægt að skoða nýfengið safn uppstoppaðra fugla sem garðurinn fékk nýlega til varðveislu og fleiri skemmtilega muni og gæludýr.