Uppboðum frestað í allt að þrjá mánuði

Í frumvarpi sem Ragna Árnadóttir, dóms- og mannréttindaráðherra, mælti fyrir á Alþingi í dag er lagt til að íbúðareigendur geti óskað eftir því við sýslumann að töku ákvörðunar um framhald uppboðs eða ráðstöfun eignar á almennum markaði verði frestað í allt að þrjá mánuði. Hægt verður að sækja um frestun til 31. ágúst. Núgildandi lög gera ráð fyrir að fresturinn renni út í lok þessa mánaðar.

„Vissulega koma til álita að framlengja frestinn ekki frekar. Í því sambandi verður ekki horft fram hjá því hundruðir eigna er nú í lokafresti,“ sagði Ragna og bætti við að vísbendingar séu um að ekki sé komin til framkvæmda af fullum þunga þau úrræði sem Alþingi samþykkti í haust meðal annars um sértæka skuldaaðlögun.