Walcott skilur ekki fótbolta

Gamli landsliðsútherjinn Chris Waddle er ekkert sérstaklega hrifinn af vængmanninum Theo Walcott og segir að það vanti fótboltaheilann í hann.

Walcott var arfaslakur gegn Egyptum og varamaður hans, Shaun Wright-Phillips, skilaði miklu betra verki.

„Fólk er sífellt að nota það sem afsökun að hann sé ungur en Wayne Rooney skildi leikinn þegar hann var 16 eða 17 ára gamall," sagði Waddle og bætti við.

„Ég hef ekki séð neina breytingu á leikmanninum Walcott síðan hann var hjá Southampton og núna hjá Arsenal. Hann hefur ekkert þróast og vaxið sem leikmaður.

„Ég held að hann einfaldlega skilji ekki fótbolta - hvert á að hlaupa og hvenær eigi að stinga sér fyrir aftan bakvörðinn. Það er engin afsökun að hann sé ungur. Mér sýnist á öllu að hann hafi einfaldlega ekki fótboltaheila og það er mikið vandamál."