Læknar í Skotlandi hafa áhyggur af D-vitamínskorti landsmanna

Læknar í Skotlandi dreifa nú bæklingum meðal almennings þar í landi þar sem varað er við skorti á D-vítamíni.

Læknarnir hafa áhyggjur af því að Skotar fái ekki nægilegt D-vítamín frá sólarljósi og að þeir gæti ekki nægilega vel að sér að fá það sem upp á skortir í gegnum fæðuval sitt.

Rannsóknir sína að skortur á D-vítamíni veldur krabbameini og MS sjúkdóminum auk þess að slíkt stuðlar að beinaþynningu hjá börrnum.

Í umfjöllun um málið á BBC segir að óléttum konum og þeim konum sem hafa börn á brjósti sé sérsaklega hætt vegna skorts á D-vítamíni, ásamt börnum undir fimm ára aldri og eldri borgurum.

Líkaminn fær D-vítamín á náttúrulegan hátt með sólarljósi og er talið nægilegt að sólin skíni á húð viðkomandi 10 til 15 mínútur á dag.

En í Skotlandi er sólarljósið ekki nægilega öflugt fyrir utan sumarmánuðina. Á veturnar tæmast D-vítamín birgðir Skota og þá þurfa þeir að borða fæðu sem er rík af D-vítamínum eins og feitur fiskur, eða fiskolía og egg.