Þrjú prófkjör í dag

Prófkjör Sjálfstæðisflokksins í Kópavogi fer fram í dag en kjörfundur hefst klukkan 10 og lýkur klukkan 18. Kosið verður í félagsheimili flokksins að Hlíðarsmára 19. Gunnar I. Birgisson og Ármann Kr. Ólafsson berjast um fyrsta sætið í prófkjörinu en búast má við fyrstu tölum uppúr klukkan sjö.

Þá fer einnig fram forval hjá Samfylkingunni í Árborg í dag en fimm frambjóðendur gefa kost á sér.

Einnig fer fram prófkjör hjá bæjarmálafélaginu á Seltjarnarnesi í Valhúsaskóla frá klukkan 10 til 15 í dag, átta gefa kost á sér.