Samningum ekki lokið fyrr en við undirskrift

Utanríkisráðherra segir samningum ekki lokið fyrr en búið sé undirrita þá, en Í Hollandi er fullyrt að tilboð Hollendinga og Breta í Icesave deilunni frá því fyrir helgi sé endanlegt að þeirra hálfu. Hann sér ekki tilgang með þjóðaratkvæðagreiðslu þegar tilboð um betri niðurstöðu liggur fyrir.

Össur Skarphéðinsson utanríkisráðherra hefur ekki fengið svar frá bandarískum stjórnvöldum við ósk hans um fund með Hillary Clinton utanríkisráðherra Bandaríkjanna. Hann vill ræða við hana um stöðuna í Icesavedeilunni og þá pattstöðu sem endurskoðun Alþjóðagjaldeyrissjóðsins á efnahagsáætlun Íslands er í, vegna andstöðu Breta og Hollendinga innan sjóðsins við endurskoðunina áður en Icesave deilan er leyst.

Utanríkisráðherra er fremur bjartsýnn á framhald Icesave málsins og hælir stjórnarandstöðunni fyrir þátt hennar í lausn málsins.