Ómar efstur - Una María í öðru sæti

Ómar Stefánsson, bæjarfulltrúi, er efstur í prófkjöri framsóknarmanna í Kópavogi þegar talinn hafa verið 810 atkvæði. Rúmlega 1800 voru á kjörskrá. Ekki fékkst uppgefið hversu margir greiddu atkvæði í prófkjörinu.

Þrír sóttust eftir fyrsta sætinu. Gísli Tryggvason, talsmaður neytenda, og Einar Kristján Jónsson, formaður knattspyrnudeildar Breiðabliks. Gísli er fimmta sæti en Einar Kristján er ekki meðal sex efstu.

Þegar talin hafa verið 810 atkvæði er staða efstu manna þessi:

1. Ómar Stefánsson í 1. sæti með 333 atkvæði.

2. Una María Óskarsdóttir í 1.-2. sæti með 296 atkvæði.

3. Andrés Pétursson í 1.-3. sæti með 340 atkvæð.

4. Alexander Arnarsson í 1.-4. sæti með 379 atkvæði.

5. Gísli Tryggvason í 1.-5. sæti með 382 atkvæði.

6. Ólöf Pálína Úlfarsdóttir í 1.-6. sæit með 401 atkvæði.

Framsóknarflokkurinn fékk einn mann kjörinn í kosningunum fyrir fjórum árum.