Boateng missti stjórn á sér eftir ummæli frá Bendtner

Nicklas Bendtner, sóknarmaður Arsenal, segir að George Boateng hafi misst stjórn á skapi sínu á laugardag eftir viðskipti þeirra á milli.

Boateng fékk rautt spjald í fyrri hálfleik í viðureign Arsenal og Hull, hann fékk tvö gul en síðara spjaldið fékk hann fyrir ljótt brot á Bacary Sagna.

Bendtner og Boateng voru að kljást skömmu áður sem endaði með því að Boateng potaði í auga sóknarmannsins danska sem síðan átti eftir að skoraði sigurmark leiksins.

Dómari leiksins sá ekki augnpotið frá Boateng. „Ég sagði við hann að þetta væri ekki sanngjarnt. Ef þú vilt eitthvað þá potarðu ekki í augað á einhverjum þegar dómarinn sér ekki. Hann varð reiður við þessi orð mín og tók reiðina út á Sagna," sagði Bendtner.