Fabregas: Er nú sannfærður um að við getum unnið deildina

„Ég veit að þetta er England og boltinn er oft mjög harður hér en mér finnst þetta einum of. Ég hef orðið vitni af slæmum meiðslum eftir glórulausar tæklingar á Abou Diaby, Eduardo og nú Ramsey og þrjú hræðileg meiðsli á fimm árum er of mikið.

Stundum finnst mér eins og við séum ekki verndaðir nægilega mikið inni á vellinum," sagði Cesc Fabregas hjá Arsenal eftir 1-3 sigur liðs síns gegn Stoke þar sem Aaron Ramsey varð fyrir hrottalegri tæklingu frá Ryan Shawcross og fótbrotnaði í kjölfarið.

„Við sýndum frábæran karakter í leiknum og ég er nú sannfærður um að við getum unnið deildina," sagði Fabregas í leikslok í kvöld en Arsenal er nú aðeins fimm stigum á eftir toppliði Chelsea.