Olíuflekkur ógnar lífríki við strendur Bandaríkjanna

Olía úr rúmlega eitt þúsund tunnum rennur nú út Mexíkóflóa skammt frá Bandaríkjunum eftir að olíuborpallur olíufyrirtækisins BP sprakk og sökk í síðustu viku. Ellefu starfsmanna er enn leitað en þeir eru taldir af.

BP og bandarísk yfirvöld reyna að stöðva lekann en óttast er að olían komi til með að valda miklu tjóni, einkum og sér í lagi við strendur Louisiana. Slæmt veður á svæðinu hefur tafið þær aðgerðir en jafnframt komið í veg fyrir að olíuflekkurinn berist upp að ströndum Bandaríkjanna.