Innlent

Hestar stórskemmdu bíl grunlausra veiðimanna

Jón Hákon Halldórsson skrifar
Bifreið af sömu gerð og sú sem skemmdist.
Bifreið af sömu gerð og sú sem skemmdist.
Bræður sem fóru að Eystri-Rangá til veiða í byrjun júlí urðu heldur betur fyrir vonbrigðum þegar að þeir sneru úr veiðinni og hugðust keyra á brott. Hestar sem voru í nágrenni við veiðistaðinn höfðu ráðist á bílinn þeirra og stórskemmt hann. „Þeir nöguðu bílinn alveg niður í lakk, segir Óskar Benediktsson," faðir drengjanna í samtali við Vísi.

Hann segir að bræðurnir hafi farið saman að veiðisvæðinu á bíl og skilið hann eftir. Þegar þeir komu til baka hafi þeir séð að lakkið á húddinu á bilnum og hliðarnar voru stórskemmdar. „Það þarf að sprauta bílinn," segir Óskar.

Óskar vill vara þá sem ætla að fara að veiða í Eystri-Rangá við aðstæðum. Þetta hafi verið dýrt spaug fyrir syni sína því að tryggingarfélagið bæti ekki skemmdir af völdum dýra. Synir sínir hafi ekki verið varaðir við því að hestar á svæðinu gætu skemmt bílinn.

Óskar segir að bifreiðin sem um ræði sé af gerðinni Mazda 6.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×