Messi vill Fabregas en Busquets vill virða afstöðu Arsenal

Sergio Busquets segir að Barcelona verði að virða afstöðu Arsenal til félagaskipta Cesc Fabregas. Fabregas er statt og stöðugt orðaður við Katalóníufélagið.

Busquets spilaði með Fabregas á HM og segir að hann sé frábær leikmaður sem myndi bæta Barcelona.

"Við verðum að virða að hann er í eigu annars félags, ekki Barcelona. Hann er leikmaður Arsenal," sagði Busquets.

Lionel Messi bætti því við að hann vilji fá Fabregas til Barcelona. "Ég væri í skýjunum ef hann kæmi. Við spiluðum saman sem krakkar og hann þekkir félagið," sagði Messi.