Ragnheiður leiðir lista Samfylkingarinnar í Árborg

Ragnheiður Hergeirsdóttir hlaut fyrsta sæti í forvali Samfylkingarinnar í Árborg sem fram fór í dag. Talningu er lokið.

Kosningarétt í forvalinu höfðu allir skráðir félagar í Samfylkingunni, sem búsettir eru í Árborg. Fimm manns buðu sig fram og var kosning bindandi fyrir fjögur efstu sætin.

Fyrstu fjögur sætin eru skipuð eftirtöldum aðilum:

1. sæti Ragnheiður Hergeirsdóttir

2. sæti Eggert Valur Guðmundsson

3. sæti Arna Ír Gunnarsdóttir

4. sæti Kjartan Ólason

Arna Ír Gunnarsdóttir hlaut flest atkvæðin í annað sætið en vegna kynjakvóta breyttist listinn.