Nasistabúningur kom frambjóðanda í bobba

Repúblikani sem er í framboði til fulltrúadeildar Bandaríkjaþings er í bobba eftir að myndir birtust af honum í Nasistabúningi. Rich Lott er í framboði í Ohio en líkur á því að hann nái kjöri í nóvember eru taldar hafa minnkað stórlega eftir að myndirnar birtust.

Skýringar Lott eru þær að hann er meðlimur í félagi sem leikur fræga bardaga úr styrjöldum fyrri tíma upp á nýtt. Hann hefur meðal annars leikið bardaga sem SS sveitir Hitlers tóku þátt en hann fullyrðir að áhugi hans á SS sveitunum og Nasisma sé aðeins sagnfræðilegur.