Geimfarar í 18 mánaða einangrun, líkja eftir för til Mars

Markmiðið er að líkja eftir för geimfars til Mars en sú för tekur 18 mánuði. Á meðan á þessum 18 mánuðum stendur munu einu samskiptin geimfaranna sex við umheiminn fara fram í gegnum tölvupósta.

Geimfarið er 550 rúmmetrar að stærð og verður mat og vistum komið fyrir í því í upphafi en ekkert verður endurnýjað meðan á dvölinni stendur. Í rýminu verður sérstakt hólf með sandi þar sem líkt er eftir aðstæðum á Mars. Ætlunin er að líkja dvöl geimarana eins og hægt er við þær aðstæður sem þeir þyrftu að búa við í raunverulegri för til Mars.

Verkefnið hefur hlotið nafnið Mars500 og er á vegum stofnunnar í Moskvu sem rannsakar liffræðileg vandamál. Geimfararnir eru þrír Rússar, tveir Evrópubúar og Kínverji.

Á meðan á dvölinni stendur munu vísindamenn fylgjast náið með heguð og líðan geimfaranna en síðan verður hægt að nýta þær upplýsingar sem fást ef efnt verður til raunverulegrar geimferðar til Mars.