Sibert furðar sig á Sigmundi

Anne Sibert, hagfræðiprófessor og fulltrúi í peningastefnunefnd Seðlabankans, undrast hörð viðbrögð Sigmundar Davíðs Gunnlaugssonar, formanns Framsóknarflokksins, við skrifum hennar um Icesave í evrópsku vefriti. RÚV greindi frá.

Sigmundur skoraði á forsætisráðherra að víkja Sibert úr nefndinni vegna skrifa hennar. Sibert fullyrti að Íslendingar gætu vel staðið undir skuldbindingum vegna Icesave.

Sibert segist eingöngu hafa ætlað að útskýra lagalegar hliðar deilunnar á hlutlausan hátt og því séu tilraunir Sigmundar til að stöðva umræður um málið óskiljanlegar. - shá