Breskir krimmar handteknir á Spáni

Lögregla í spænsku ferðamannaparadísinni Costa del Sol hefur handtekið tugi breskra ríkisborgara sem eru grunaðir um stórfellda glæpastarfsemi á Spáni og á Bretlandi. Mennirnir eru sagðir hafa haldið úti umfangsmiklu eiturlyfja- og byssusmygli og verið með höfuðstöðvar sínar á Spáni.

Aðgerðir lögreglu voru viðamiklar en félagar mannanna voru einnig handteknir í dag á Englandi og Írlandi. Auk Bretanna hefur lögreglan á Spáni einnig handtekið nokkra þarlenda lögfræðinga sem eru grunaðir um að hafa aðstoðað við peningaþvætti.

Leiðtogi klíkunnar er sagður vera Christopher "Christy" Kinahan og eru tveir synir hans einnig komnir á bak við lás og slá.