Umfjöllun: Stjörnumenn fóru illa með topplið Keflavíkur á teppinu

Stjörnumenn fóru illa með topplið Keflavíkur á gervigrasinu í Garðabæ í kvöld í leik liðanna í 6. umferð Pepsi-deild karla. Keflavík hafði ekki tapað leik í sumar en fékk stóran skell á teppinu í kvöld. Stjarnan vann leikinn 4-0 og átti möguleika að skora mun fleri mörk í leiknum.

Stjörnumenn með Steinþór Freyr Þorsteinsson í broddi fylkingar fóru illa með taplausa Keflvíkinga á gervigrasinu í kvöld, uppskáru stórsigur og fjögur mörk á móti liðinu sem varla var búið að fá á sig mark í sumar.

Steinþór Freyr fór illa með alla varnarlínu Keflvíkinga í leiknum og skapaði hættu í nánast hverri sókn, annaðhvort með því að keyra á vörnina enda henda innköstunum inn að markteignum.

Í bæði skiptin gerðu varnarmenn Keflavíkur mistök. Í fyrra markinu nýtti Halldór Orri Björnsson sér misskilning milli varnarmanna og markvarðar eftir langa sendingu Baldvins Sturlusonar og í því seinna "stal" Steinþór Freyr Þorsteinsson sendingu frá Alen Sutej við miðlínuna fór upp allan völlinn og skoraði.

Stjörnumenn átti fjölmörg færi í upphafi seinni hálfleiks áður en Halldór Orri Björnsson kom Stjörnuliðinu í 4-0 með marki úr vítaspyrnu.

Það voru líka fleiri að spila vel fyrir Stjörnuliðið, bakvörðurinn Baldvin Sturluson var góður, alveg eins og fyrirliðinn Daníel Laxdal og bróðir hans Jóhann Laxdal. Dennis Danry var líka flottur á miðjunni og Þorvaldur Árnason vann mikla og góða vinnu og setti mikla pressu á miðverðina allan tímann.

Stjörnumenn gerðu það sem fáum hafði tekist í allt sumar sem var að opna Keflavíkurvörnina sem hafði aðeins fengið á sig tvö mörk í fyrstu sex leikjum sumarsins í deild og bikar.

Þegar upp var staðið á teppinu í gærkvöldi þá gátu gestirnir úr Keflavík þakkað fyrir að sækja boltann bara fjórum sinnum úr netinu hjá sér. Stjörnumenn unnu 4-0 stórsigur, voru miklu betri allan tímann og sýndu enn á ný að það er ekkert grín að mæta á gervigrasið þegar stemmningin í Stjörnuliðinu er eins og hún var í gær.

Stjarnan-Keflavík 4-0



Stjörnuvöllur

Dómari: Kristinn Jakobsson (7)

Áhorfendur: 1120

Mörkin:

1-0 Halldór Orri Björnsson (16.)

2-0 Steinþór Freyr Þorsteinsson (19.)

3-0 Dennis Danry (38.)

4-0 Halldór Orri Björnsson, víti (72.)

Tölfræðin:

Skot (á mark): 18-10 (8-5)

Varin skot: Bjarni 3 - Árni Freyr 3

Horn: 4-3

Aukaspyrnur fengnar: 13-13

Rangstæður: 3-6

Stjarnan (4-5-1)

Bjarni Þórður Halldórsson 6

Baldvin Sturluson 7

Tryggvi Sveinn Bjarnason 6

Daníel Laxdal 7

Hilmar Þór Hilmarsson 6

Dennis Danry 7

(85. Björn Pálsson -)

Atli Jóhannsson 6

Jóhann Laxdal 7

Halldór Orri Björnsson 8

Steinþór Freyr Þorsteinsson 8 - Maður leiksins -

(64., Bjarki Páll Eysteinsson 6)

Þorvaldur Árnason 7

(87. Ólafur Karl Finsen -)

Keflavík (4-4-2)

Árni Freyr Ásgeirsson 5

Guðjón Árni Antoníusson 4

Haraldur Freyr Guðmundsson 4

Bjarni Hólm Aðalsteinsson 4

Alen Sutej 3

Magnús Sverrir Þorsteinsson 3

(75., Ómar Karl Sigurðsson -)

Hólmar Örn Rúnarsson 4

Paul McShane 4

(59., Einar Orri Einarsson 5)

Jóhann Birnir Guðmundsson 5

Guðmundur Steinarsson 4

Hörður Sveinsson 3

(59., Andri Steinn Birgisson 5)