Umfjöllun: Keflvíkingar skoruðu jöfnunarmark í lokin

Keflavík og Haukar gerðu 1-1 jafntefli á Njarðtaksvellinum í Njarðvík í 7. umferð Pepsi-deildar karla í kvöld. Keflvíkingar náðu að bjarga stigi á síðustu stundu eftir að Haukamenn komust yfir rétt eftir hálfleik.

Haukamenn eru því enn án sigurs og í næst neðsta sæti deildarinnar á meðan Keflvíkingar eru í 4. Sæti með lakari markatölu en með jafn mörg stig og Fram sem er á toppnum.

Síðasti leikur Keflvíkinga var fyrsti tapleikur þeirra á árinu, en þá voru þeir teknir í kennslustund á gervigrasinu í Garðabæ þar sem Stjarnan vann 4-0 sigur. Haukar hinsvegar töpuðu 2-4 á heimavelli gegn Breiðablik.

Aðstæður í Njarðvík buðu ekki upp á fallegan fótbolta, það rigndi og gríðarlega mikill vindur var á vellinum. Það einkenndi fyrri hálfleikinn þar sem fátt var um góða takta. Mikið var af langskotum sem hittu ekki á mark og sendingar sem hittu ekki samherja enda var völlurinn blautur og erfiður.

Fyrsta mark leiksins kom á 51. mínútu, en þar var að verki Sam Mantom með skalla eftir góða sendingu af hægri kanti. Þetta var annar leikurinn í röð sem hann skorar skallamark og er hann að spila vel af miðjunni. Eftir þetta lögðust Haukar til baka en beittu stórhættulegum skyndisóknum. Þeir skoruðu úr einni slíkri en það var þó dæmt af á 64. mínútu og var Andri Marteinsson ekki viss um þann dóm.

Jöfnunarmark Keflvíkinga kom svo á 85. mínútu, en þar var að verki Magnús Þórir Matthíasson, hann hljóp upp vinstri kantinn, skaut úr afar þröngu færi og náði að lauma boltanum framhjá Daða Lárussyni í marki Hauka.

Eftir þetta fjaraði leikurinn út og lauk leiknum því 1-1, sanngjörn úrslit í erfiðu fótboltaveðri en Haukar sitja enn við botninn sigurlausir.

Keflavík 1 – 1 Haukar

0-1 Sam Mantom (51.)

1-1 Magnús Þórir Matthíasson(86.)

Áhorfendur: 360

Dómari: Einar Örn Daníelsson 7

Skot (á mark): 15 - 9  ( 4 - 3)

Varin skot: Ómar Jóhannsson 2- Daði Lárusson 2

Horn:5 - 3

Aukaspyrnur fengnar: 13 - 14  

Rangstöður: 5 - 6

Keflavík (4-4-2)

Ómar Jóhannsson 5

Alen Sutej 6

(77. Brynjar Örn Guðmundsson)

Haraldur Freyr Guðmundsson 5

Bjarni Hólm Aðalsteinsson 5

Guðjón Árni Antoníusson 5

Jóhann Birnir Guðmundsson 6

Paul McShane 5

Andri Steinn Birgisson 6

(77. Magnús Þórir Matthíasson)

Hólmar Örn Rúnarsson 6    

Guðmundur Steinarsson 4

Magnús Sverrir Þorsteinsson 5

Haukar (4-5-1)

Daði Lárusson 5

Gunnar Ormslev Ásgeirsson 6

Guðmundur Viðar Mete 7 – Maður leiksins

Daníel Einarsson 7

Þórhallur Dan Jóhannsson 5

(45. Pétur Örn Gíslason 5)

Úlfar Hrafn Pálsson5

(62. Ásgeir Þór Ingólfsson x)

Kristján Ómar Björnsson 6

Guðjón Pétur Lýðsson  6

Hilmar Geir Eiðsson 5

Sam Mantom  7

Arnar Bergmann Gunnlaugsson  5