Minnisblaðið mun ekki skyggja á heimsókn páfa

Minnisblað úr breska utanríkisþjónustunni þar sem embættismenn gengu heldur of langt mun ekki hafa áhrif heimsókn páfa til Bretlands, að sögn talsmanns Vatíkansins.

Breskir fjölmiðlar birtu í gær minnisblað úr breska utanríkisráðneytinu sem ekki var ætlað til birtingar vegna heimsóknar Benedikts páfi til Bretlands um miðjan september. Þar gantast embættismenn ráðuneytisins og leggja meðal annars til að páfi opni fóstureyðingarstofu, gifti samkynhneigt fólk, syngi með Elísabetu drottningu og kynni nýja smokkategund.

Utanríkisráðuneytið hefur fordæmt minnisblaðið og sagt það kjánalegt og merki um algjört virðingarleysi.

Federico Lombardi, talsmaður Vatíkansins, fullyrðir að bréfið muni ekki hafa nein áhrif á fjögurra daga heimsókn páfa til Bretlands. „Hvað okkur varðar er málinu lokið," hefur BBC, breska ríkisútvarpið, hefir Lombardi.

Þetta verður fyrsta heimsókn páfa í tæp 30 ára til Bretlands en Jóhannes Páll heimsótti landið árið 1982.