Cahill snýr aftur eftir tvær vikur - HM vonin enn á lífi

Varnarmaðurinn Gary Cahill hjá Bolton hefur svo gott sem jafnað sig að nýju eftir að hafa verið greindur með blóðtappa í hendinni fyrir um mánuði síðan.

Alls óvíst var hvort að Cahill gæti spilað meira með Bolton á tímabilinu en nú hefur verið staðfesta að hann sé búinn að fá bót meina sinna og geti byrjað að spila aftur með Bolton eftir tvær vikur.

„Hann fór í skoðun í gær og þá kom í ljós að hann er alveg laus við þetta en þarf þó að taka því rólega næstu tvær vikur eða svo í varúðarskyni. Það verður gott að fá hann aftur," segir Knattpyrnustjórinn Owen Coyle hjá Bolton í viðtali við Sky Sports fréttastofuna.

Cahill var búinn að spila frábærlega með Bolton á tímabilinu þegar hann varð að draga sig í hlé og talað var um að hann ætti raunhæfa möguleika á að komast í lokahóp enska landsliðsins fyrir HM næsta sumar og því ljóst að sá möguleiki ætti enn að vera fyrir hendi ef Cahill nær fyrri styrk.