Stærsta eignin seld úr búi Fons

JP Lögmönnum hefur verið falið að annast formlegt ferli á öryggisvörslufyrirtækinu Securitas. Fyrirtækið er helsta eign þrotabús Fons, félags áður í meirihlutaeigu Pálma Haraldssonar. Stefnt er að því að nýir eigendur taki við Securitas í kringum 20. mars næstkomandi.

Securitas var auglýst til sölu í dagblöðum í gær. Þar kemur fram að allir sem geti sýnt fram á að þeir eigi þrjú hundruð milljónir króna eða meira geti lagt fram tilboð í félagið. Þá geta fjármögnunarvilyrði frá fjármálastofnun, sem metið er fullnægjandi af seljanda, talist gilt, samkvæmt því sem þar segir. - jab