Leikmönnum United bannað að tala um Glazer-andspyrnuhreyfinguna

Manchester United hefur bannað öllum sínum leikmönnum að tala um andspyrnuhreyfingu stuðningsmanna félagsins á móti Malcolm Glazer, aðaleiganda United en grænu og gulu treflunum fjölgar nú stöðugt á Old Trafford.

Andspyrnuhreyfingin fékk góða auglýsingu eftir leik Manchester United og AC Milan í Meistaradeildinni á miðvikudaginn þegar David Beckham setti upp gula og grænan trefilinn sem hefur verið gerður að táknrænum mótmælum við Glazer meðal stuðningsmanna félagsins.

Það eru greinilega miklar áhyggjur, innan stjórnar Manchester United, með vaxandi fylgi við andspyrnuhreyfinguna og það má þegar sjá á mörgum aðgerðum sem beinast að því að halda henni niðri.

- Leikmenn mega ekki ræða andspyrnuhreyfinguna í fjölmiðlum

- MUTV sjónvarpsstöðin má ekki ræða um andspyrnuhreyfinguna og það má ekki spyrja um hana á blaðamannafundum með Sir Alex Ferguson.

- Stuðningsmaður var rekinn út úr sjónvarpssal MUTV eftir að hafa neitað að taka niður græna og gula trefilinn.

- Vallarstarfsmaður var rekinn eftir 19 ára starf fyrir að reyna að koma mótmæla-borða til eiganda síns eftir að borðinn hafði verið gerðu upptækur.