Barmby og Bullard slógust í almenningsgarði

Það er lítill vinskapur á milli Nicky Barmby og Jimmy Bullard þessa dagana en þeir leika með Hull City. Þeir lentu í miklum slagsmálum á æfingu sem einhverra hluta fór fram í almenningsgarði.

Fjöldi fólks var staddur á svæðinu og fylgdist furðu lostið með leikmönnunum slást.

„Þetta var frekar ljótt að sjá. Fullt af gömlu fólki sem var á gangi þarna hélt að þetta væru einhverjir unglingar. Einn öskraði að það þyrfti að hringja á lögregluna," sagði vitni að atburðinum.

Atvikið átti sér stað degi eftir að Hull steinlá fyrir Everton, 5-1. Eftir leikinn rifust þeir í búningsklefanum og fóru svo alla leið með málið á æfingunni daginn eftir.

„Þeir voru bara að æfa þarna í garðinum. Barmby öskraði á Bullard að hann væri latur. Þá bretti Bullard upp ermar og bað um slag. Barmby svaraði því til að hann ætti ekki að vera svona barnalegur en Bullard hlustaði ekki á það og spólaði í félaga sinn," sagði vitniðþ

Barmby er 36 ára og Bullard 31 árs.