Umfjöllun: Aldrei spurning hjá FH gegn Haukum

Tölfræðin úr grannaslag FH og Hauka í kvöld lýgur ekki. FH-ingar voru mikið mun sterkari aðilinn og unnu á endanum 3-1 sigur, Haukar geta í raun þakkað fyrir að munurinn var ekki meiri.

Atli Viðar Björnsson og Ólafur Páll Snorrason voru báðir í miklum ham hjá Fimleikafélaginu. Sá fyrrnefndi skoraði tvö fyrstu mörk leiksins, bæði eftir undirbúning þess síðarnefnda.

Atli launaði Ólafi greiðan með því að leggja upp á hann þriðja markið. Arnar Gunnlaugsson minnkaði svo muninn úr vítaspyrnu en það var aðeins eitt af tveimur skotum Hauka á markið í leiknum.

FH-ingar réðu annars ferðinni allan leikinn. Sérstaklega í seinni hálfleik náðu þeir að opna vörn Hauka vel en fóru illa með fjölmörg færi. Atli fékk tækifæri til að innsigla þrennu sína og nafni hans Guðnason fékk einnig fín færi til að skora.

Daði Lárusson kom í veg fyrir að hans fyrrum samherjar náðu stærri sigri en hann varði nokkrum sinnum vel, sérstaklega var varsla hans eftir skalla frá Birni Daníeli Sverrissyni glæsileg.

Eitt rautt spjald leit dagsins ljós frá góðum dómara leiksins. Það fékk Freyr Bjarnason seint í leiknum þegar hann leit gult í annað sinn.

FH-ingar náðu sér í mikilvæg þrjú stig með öruggum og sannfærandi sigri sem var síst of stór. Ansi mikilvægur sigur þeirra hvítklæddu sem vilja halda sér í toppbaráttunni, til þess var sigur nauðsynlegur í kvöld.

Haukar eru enn í botnsæti deildarinnar. Mótherjar þeirra í kvöld voru einfaldlega í öðrum klassa og þeir áttu engin svör.

FH - Haukar 3-1

1-0 Atli Viðar Björnsson (36.)

2-0 Atli Viðar Björnsson (56.)

3-0 Ólafur Páll Snorrason (62.)

3-1 Arnar Gunnlaugsson (víti 65.)

Áhorfendur: 2.726

Dómari: Gunnar Jarl Jónsson 8

Skot (á mark): 17 - 6 (7-2)

Varin skot: Gunnleifur 1 - Daði 4

Horn: 10 - 0

Aukaspyrnur fengnar: 11 - 14

Rangstöður: 6 - 0

FH 4-3-3

Gunnleifur Gunnleifsson 6

Freyr Bjarnason 5

Tommy Nielsen 6

Pétur Viðarsson 5

Guðmundur Sævarsson 6

(79. Jón Ragnar Jónsson -)

Björn Daníel Sverrisson 8

Matthías Vilhjálmsson 7

Bjarki Gunnlaugsson 6

(83. Gunnar Már Guðmundsson -)

Ólafur Páll Snorrason 8* - Maður leiksins

Atli Guðnason 7

Atli Viðar Björnsson 8

Haukar 4-4-2

Daði Lárusson 7

Gunnar Ásgeirsson 4

Daníel Einarsson 5

Guðmundur Mete 5

(42. Magnús Björgvinsson 5)

Úlfar Hrafn Pálsson 4

(79. Pétur Örn Gíslason -)

Hilmar Geir Eiðsson 4

Kristján Ómar Björnsson 4

Jamie McUnnie 6

Ásgeir Ingólfsson 5

Arnar Gunnlaugsson 6

(79. Garðar Geirsson -)

Hilmar Rafn Emilsson 6

Smelltu hér til að opna Boltavaktina og lesa lýsingu leiksins: FH - Haukar.