Ekki sé reiknað með lóðasölu

Marteinn Magnússon, bæjarfulltrúi Framsóknarflokksins í Mosfellsbæ, gagnrýnir að meirihluti sjálfstæðismanna og Vinstri grænna geri ráð fyrir 450 milljóna króna tekjum af lóðasölu á þremur árum.

„Enn á ný er sala byggingarréttar sett inn í áætlun sveitarfélagsins, 100 milljónir fyrir 2011, 150 milljónir fyrir 2012 og 200 milljónir fyrir 2013 þrátt fyrir að fátt bendi til þess að eftirspurn sé að aukast á byggingarmarkaði," segir í bókun Marteins í bæjarráði.

„Réttara og gagnsærra hefði verið að setja fram áætlunina án byggingarréttar og fagna því frekar ef úr rættist," bætti hann við. - gar