Albert: Vorum óheppnir í dag

„Þetta er helvíti svekkjandi. Við bara hættum að sækja. Þeir voru samt ekki að skapa sér neitt en skoruðu þetta grísamark. Þetta hefur bara verið svona í sumar," sagði Albert sem segir að varnarleikur liðsins þurfi að batna.

„Við vorum óheppnir í dag að mínu mati. Við verðum að fara að halda hreinu. Við erum alveg að skora og værum með mun fleiri stig ef vörnin væri eins og hún var í fyrra."

„Það sést ekkert á æfingum og í klefanum að þetta slæma gengi sé að hafa einhver áhrif á okkur. Við erum að rífa okkur upp, við þurfum bara smá heppni með þessu. Þegar liði gengur illa vantar alltaf smá sjálfstraust en við erum mjög jákvæðir."