Mikill samdráttur í verslun

Óvenjumikill samdráttur varð í veltu dagvöruverslunar í síðasta mánuði. Sala á áfengi dróst saman um þriðjung milli ára og sala á raftækjum um rúmlega 13 prósent. Skattahækkanir og ríkjandi óvissa um þróun efnhagsmála hefur breytt neyslumynstri almennings segja verslunarmenn.

Velta dagvöruverslunar dróst saman um tæp 12 prósent í síðasta mánuði miðað við sama tímabil í fyrra samkvæmt útreikningum Rannsóknarseturs verslunarinnar.

Samdrátturinn er mun meiri en spár gerður ráð fyrir.

Sala á áfengi dróst saman um nærri þriðjung og fataverslun um tæp 14 prósent.

Sama má segja um skóverslun, og verslun með húgsögn og raftæki. Í öllum tilvikum er samdrátturinn meiri en sem nemur tíu prósentum á milli ára.

Verslunarmenn segja að þetta komi ekki á óvart.

„Það er jú þannig að það er mikil óvissa í samfélaginu núna. Fólk er að bíða eftir til dæmis niðurstöðu í þessum bílalánum. Skattahækkanir sem komu um síðustu áramót eru greinilega farin að bíta af fullum þunga núna. Síðan er bara athmosphere ef ég má segja þannig í samfélaginu að hún hvetur fólk ekki til aukinnar neyslu hún letur fólk frekar," segir Andrés Magnússon, framkvæmdastjóri Samtaka verslunar og þjónustu.

„Álögur á áfengi hafa hækkað um ríflega 40 prósent á undanförnu eina og hálfa ári og það skýrir langmestan hluta og auðvtiða er kaupgeta almennings minni þannig að þetta er bara klár afleiðing af þessu. við sjáum þetta líka í öðrum innflutningi matvörum og annars staðar," segir Andri Þór Guðmundsson, forstjóri Egils Skallagrímssonar.

Skattahækkanir hafa kallað á breytt neyslumynstur.

„Og við sjáum það að fólk er að flytja sig úr bjór sem er áfengismeiri yfir í áfengisminni bjór. tilfutningur á bjór sem er kannski 5,5 yfir í 4,5 það hefur mikil áhrif og við sjáum það sama gerast í létta víninu," segir Andri Þór að lokum.