Bítlafjör í Háskólabíói - Ringo söng með

Bítilinn Ringo Starr, Yoko Ono, Sean Lennon og mæðginin Olivia og Dhani Harrison, ekkja og sonur bítilsins George Harrison, sungu saman lagið Give Peace a Change á tónleikum hljómsveitarinnar Plastic Ono Band í Háskólabíói í gær.

Uppselt var á tónleikana sem haldnir voru í tilefni þess að í gær hefði Lennon orðið sjötugur.

Afmæli John Lennon var minnst víða í gær. Hundruðir komu saman í Strawberry Fields í Central Park í New York og í Liverpool afhjúpaði fyrri eiginkona Lennons, Cynthia og sonur þeirra Julian, skúlptur af Bítlinum.

Viðurkenningar úr Lennon Ono friðarsjóðnum voru afhtentar við hátíðlega athöfn í Höfða í gær og þá var Friðarsúlan tendruð í Viðey.