Fyrsta myndin af feðgum í Norður-Kóreu

Norður-Kóreska sjónvarpið sýndi í gær í fyrsta skiptið myndir af leiðtoga landsins Kim Jong-Il ásamt syni hans Kim Jong-un en sá er talinn líklegur eftirmaður föður síns í starfi.

Tilefni þess að sjónvarpið sýndi þessar myndir er mikil hátíðarhöld sem fram fóru fram í höfuðborg landsins, Pyongyang, í gær í tilefni þess að hinn ráðandi kommúnistaflokkur er 65 ára gamall.

Kim Jong-Un var tiltölulega óþekktur þangað til fyrir skömmu. En upp á síðkastið hefur hinum 27 ára gamla syni leiðtogans verið flaggað æ oftar og telja sérfræðingar það til marks um það að farið sé að undirbúa það að hann taki við af fóður sínum sem er sagður orðinn heilsuveill.