Portsmouth komst áfram í bikarnum

Hermann Hreiðarsson og félagar í Portsmouth eru komnir áfram í enska bikarnum eftir skrautlegan leik sem Portsmouth vann, 4-1.

Það var ekki búið að skora mark þegar 24 mínútur lifðu leiks en þá opnuðust líka allar flóðgáttir.

Owusu-Abeyie Quincy kom þá Portsmouth yfir en Richard Lambert jafnaði fyrir Southampton fjórum mínútum síðar.

Aruna Dindane kom Portsmouth aftur yfir á 75. mínútu og þeir Nadir Belhadj og Jamie O´Hara skoruðu á 82. og 85. mínútu og tryggðu Portsmouth magnaðan stórsigur.

Hermann var í byrjunarliði Portsmouth en var tekinn af velli á 90. mínútu.