Tundurskeyti grandaði skipi frá Suður-Kóreu

Varnarmálaráðherra Suður-Kóreu segir næsta víst að tundurskeyti hafi grandað herskipi frá landinu í síðasta mánuði.

Korvettan Cheonan brotnaði í tvennt og sökk eftir mikla sprengingu í grennd við landamærin að Norður-Kóreu.

Um borð í skipinu var hundrað og átta manna áhöfn og yfir fjörutíu þeirra fórust.

Búið er að lyfta flakinu af hafsbotni og rannsaka það.

Ráðherrann nefndi ekki hver hefði sökkt skipinu en lítill vafi er á að það hafi verið Norður-Kóreumenn.

Stjórnvöld í Suður-Kóreu þurfa nú að ákveða hvernig þeir bregðast við.

Litlar líkur eru taldar á að þeir svari fyrir sig með árás.