Leyfið hans Tevez framlengt - ekki með á móti Liverpool?

Carlos Tevez verður væntanlega í Argentínu þar til að ástand dóttur hans batnar sem þýðir að Manchester City verður væntanlega án hans í leiknum mikilvæga á móti Liverpool í ensku úrvalsdeildinni á sunnudaginn.

Manchester City er stigi á undan Liverpool í baráttunni um fjórða og síðasta sætið inn í Meistaradeildina en þar sem að Aston Villa og Tottenham geta náð þeim báðum af stigum gæti taplið sunnudagsins dottið alla leið niður í sjöunda sætið.

Carlos Tevez er búinn að missa af tveimur leikjum síðan að fór heim til Buenos Aires þar sem að dóttir hans fæddist fyrir tímann. Þetta er önnur dóttir Tevez og konu hans og hefur hún verið á gjörgæslu frá fæðingunni.

Auk þess að spila þá án Carlosar Tevez þá verður Patrick Vieira í leikbanni í leiknum og einnig eru litlar líkur á því að Roberto Mancini og Craig Bellamy verði búnir að leysa deilumál sín.