Össur í Ríga

Össur Skarphéðinsson, utanríkisráðherra, tekur þátt í árlegum samráðsfundi utanríkisráðherra Norðurlanda og Eystrasaltsríkja sem að þessu sinni er haldinn í Ríga í Lettlandi í dag og á morgun.

Á fundinum verða ræddar tillögur um framtíðarsamstarf utanríkisráðherranna, sem Valdis Birkavs, fyrrum utanríkisráðherra Lettlands, og Sören Gade, fyrrum varnarmálráðherra Danmerkur, var falið að leggja fyrir fundinn, að því er fram kemur í tilkynningu frá utanríkisráðuneytinu. Auk þess verður að venju fjallað um afstöðu ríkjanna til helstu mála á alþjóðavettvangi og starf alþjóðastofnana svo sem Atlantshafsbandalagsins og Öryggis- og samvinnustofnunar Evrópu.