Telja slæðubann hafa öfug áhrif

Austurríki, AP Slæðubann vinnur gegn tilgangi sínum og markar afturför til fortíðar, að mati ráðstefnu múslima í Vínarborg í Austurríki um helgina.

Rúmlega hundrað íslamskir trúarleiðtogar frá 40 löndum sóttu ráðstefnuna. Þeir gagnrýndu Evrópulönd sem íhuga að leggja bann við andlitsslæðum, líkt og stendur til í Frakklandi og Belgíu.

Famile Fatma Arslan, lögfræðingur frá Hollandi, var meðal ráðstefnugesta. Hún telur að slæðubann myndi vinna gegn tilgangi sínum. „Þetta er ekki fyrirbyggjandi aðgerð, heldur ögrandi og mun þannig hafa öfug áhrif." Hafi viðkomandi ríki áhuga á að styrkja stöðu múslimskra kvenna ættu þau að leggja meiri áherslu á menntun og fræðslu." - bs