Eva Joly fær nýjan keppinaut í Frakklandi

Leikkonan Brigitte Bardot hefur verið beðin um að bjóða sig fram í forsetakosningunum sem haldnar verða í Frakklandi árið 2012. Það er flokkur umhverfissinna sem vilja fá hana í framboð.

Hún er ákafur dýravinur og vill meðal annars setja lög um að dýr verði deyfð áður en þeim er slátrað með því að skera þau á háls, samkvæmt siðum múslima.

Hún hefur einnig sterkar skoðanir á innflytjendum og samkynhneigð og hefur oft verið sektuð fyrir ummæli sem hafa þótt óviðurkvæmileg. Engu að síður er hún mjög dáð í heimalandinu. Brigitte Bardot er nú 76 ára.