Stones á toppnum

Breska rokksveitin The Rolling Stones á vinsælustu plötuna í Bretlandi í fyrsta skipti í 16 ár. Um er að ræða endurútgáfu á hinni vinsælu plötu Exile On Main Street. Platan kom fyrst út árið 1972 en er nú endurútgefin með áður óútgefnum lögum. Það var árið 1994 sem Stones komst síðast á toppinn í Bretlandi, þá með Voodoo Lounge.

Exile On Main Street er endurútgefin vegna útgáfu á heimildarmynd um gerð plötunnar. „Þessar vinsældir sanna að tónlist Stones er jafn öflug í dag og þegar hún var samin,“ segir David Joseph, stjórnarformaður Universal í Bretlandi, útgáfufyrirtækis The Rolling Stones.