Petr Cech á undan áætlun - stefnir á Blackburn-leikinn eftir 9 daga

Petr Cech, tékkneski markvörðurinn hjá Chelsea, er á góðri leið með að koma fyrr til baka úr meiðslum en áætlað var í fyrstu. Cech var borinn útaf í fyrri leik Chelsea og Inter Milan í Meistaradeildinni og mun örugglega missa af seinni leiknum í næstu viku.

Petr Cech reif kálfavöðva eftir hálftíma leik í Mílanó og því var spáð að hann yrði frá í einn mánuð. Nú lítur þetta betur út og vonast Chelsea-menn nú eftir því að markvörðurinn snjalli verði með í deildarleik á móti Blackburn sem fer fram 21. mars næstkomandi.

Hilário hefur ekki verið að gera neina frábæra hluti í marki Chelsea síðan Cech meiddist og þar er fyrst að nefna frammistaða hans í 2-4 tapi á móti Manchester City. Hilário hélt þó hreinu í bikarleik á móti Stoke um helgina og mun einnig spila næstu leiki á móti West Ham í deildinni og Inter í Meistaradeildinni.