Bruce: Sunderland hefði ekki fengið svona víti eins og Arsenal fékk

Steve Bruce, stjóri Sunderland, var allt annað en sáttur með ákvörðun dómarans Steve Bennett sem gaf Arsenal víti á lokamínútunni í 2-0 sigri Arsenal á Sunderland á Emirtates í ensku úrvalsdeildinni í dag.

„Að mínu mati var brotið fyrir utan teig ef þetta var þá eitthvað brot. Ég efast um að Sunderland hefði fengið svona víti eins og Arsenal fékk," sagði Steve Bruce en vítið var dæmt fyrir brot á Cesc Fabregas sem skoraði sjálfur úr vítinu. Nicklas Bendtner hafði komið Arsenal í 1-0 í leiknum.

Sunderland er nú búið að leika þrettán deildarleiki í röð án þess að vinna. „Við fengum nokkur góð færi en okkur tókst bara ekki að nýta þau," sagði Steve Bruce.

„Við höfðum heppnina með okkur fyrstu tuttugu mínútur leiksins en okkar vantaði síðan bara skora á þá mark og þá hefðum við kannski getað komið tímabilinu okkar aftur í gang," sagði Steve Bruce.