Þúsundir fara í golf á ferðalagi

Golfiðkun ferðafólks skiptir golfklúbba miklu máli um allt land. Ný könnun Ferðamálastofu bendir til að klúbbarnir hafi tugmilljónir í tekjur af þeim sem stunda golf á ferðalagi.

Niðurstöður úr könnun Ferðamálastofu um ferðalög Íslendinga um eigið land árið 2009 voru kynntar í vikunni. Samkvæmt niðurstöðunum ferðuðust um 90 prósent Íslendinga um landið á árinu.

Sund er eins og fyrr vinsælasta afþreying ferðalanga en 12,4 prósent spila golf. Þetta þýðir að 35 þúsund manns keyptu golfhring á ferð um Ísland árið 2009 og meirihlutinn fleiri en einn.- shá