Bretar ósáttir við Argentínu

Bretar og Argentínumenn eru enn komnir í hár saman út af Falklandseyjum, eyjaklasa í sunnanverðu Atlantshafi sem nú hefur orðið mikilvægari en áður vegna olíulinda sem þar kynnu að leynast undir sjávarbotni.

Bretar fóru í stríð við Argentínu árið 1982 út af yfirráðum yfir eyjunum, og höfðu betur í krafti hernaðarstyrks. Bretar eru þó farnir að verða varir um sig á ný eftir að Christina Fernandez, forseti Argentínu, tilkynnti í vikunni að leyfi þurfi frá Argentínu fyrir allar skipaferðir frá Suður-Ameríku til Falklandseyja.- gb