City með augun á Fabregas

Það er orðrómur um að Manchester City ætli sér að kaupa Cesc Fabregas, fyrirliða Arsenal. Eigandi félagsins, Sheikh Mansour, hefur gefið grænt ljós á að bjóða í þennan magnaða leikmann.

Þjálfari liðsins, Roberto Mancini, hefur skrifað upp sinn eigin lista og þar er að finna nöfn á ekki ómerkilegri mönnum en Fabregas, Fernando Torres og Zlatan Ibrahimovic. Stjórnin hefur ákveðið að skoða kaup á þessum leikmönnum en einungis ef að liðið endar í einum af fjórum efstu sætunum í ensku úrvaldsdeildinni.

Mikið hefur verið fjallað um að Fabregas haldi heim á leið til Spánar og gangi til liðs við uppeldisfélag sitt Barcelona. Ef að hann yfirgefur Arsenal-liðið á annað borð.

City náði í fyrrasumar að sannfæra þá Kolo Toure og Emmanuel Adebayor til að yfirgefa Arsenal og spurning hvort það gangi eftir að lokka fyrirliða Arsenal sömuleiðis næsta sumar.