Shawcross í landsliðshópi Englands fyrir leikinn gegn Egyptalandi

Landsliðsþjálfarinn Fabio Capello hjá Englandi hefur tilkynnt 24-manna leikmannahóp sinn fyrir vináttulandsleik gegn Egyptalandi í næstu viku en leikurinn er þáttur í undirbúningi enska liðsins fyrir lokakeppni HM næsta sumar.

Athygli vekur að Ryan Shawcross hjá Stoke er í hópnum en hann komst heldur betur í fréttirnar í gær þegar hann fótbraut Aaron Ramsey hjá Arsenal í leik liðanna.

Þá er Capello strax byrjaður að plana hvernig hann eigi að finna lausn á vinstri bakvarðastöðunni eftir að Ashley Cole hjá Chelsea meiddist og Wayne Bridge hjá Manchester City gefur ekki lengur kost á sér og því eru bæði Leighton Baines hjá Everton og Stephen Warnock hjá Aston Villa í hópnum.

Leikmannahópur Englands:

James (Portsmouth), Green (West Ham), Hart (Birmingham), Brown (Man Utd), Terry (Chelsea), Upson (West Ham), Lescott (Man City), Shawcross (Stoke), Baines (Everton), Warnock (Aston Villa), Milner (Aston Villa), Beckham (AC Milan), Walcott (Arsenal), Lampard (Chelsea), Barry (Man City), Gerrard (Liverpool), Carrick (Man Utd), Wright-Phillips (Man City), Downing (Aston Villa), Heskey (Aston Villa), Defoe (Tottenham), Rooney (Man Utd), Crouch (Tottenham), C Cole (West Ham).