Hermann: Meira afrek að komast aftur á Wembley en að vinna bikarinn

Hermann Hreiðarsson er í viðtali hjá vefmiðlinum Sporting Life eftir góðan sigur Portsmouth á Birmingham í átta liða úrslitum enska bikarsins um helgina.

Hermann segist finna til með stuðningsmönnum Portsmouth sem hann segir finni mest fyrir peningavandræðum félagsins.

„Fótboltamenn eru heppnir, þeir geta alltaf fundið sér nýtt félag ef allt fer til andskotans. Portsmouth tilheyrir hinsvegar stuðningsmönnunum og þeim sem hafa unnið hjá félaginu í mörg ár," segir Hermann.

„Það er mjög sorglegt ef allt þetta fólk fer að missa vinnunna og ég vona að skiptanefndin byrji ekki reka starfmenn félagsins hingað og þangað," segir Hermann.

Hermann og félagar unnu 2-0 sigur á Birmingham í átta liða úrslitum enska bikarsins um helgina og tryggðu sér með því undanúrslitaleik á Wembley á móti annað hvort Fulham eða Tottenham.

„Það er meira afrek að komast aftur á Wembley en að vinna bikarinn 2008," segir Hermann sem var í aðalhlutverki þegar Portsmouth varð bikarmeistari.

„Sigurinn á Southampton í síðustu umferð var fyrir stuðningsmennina og þessi er það líka. Stuðningsmennirnir okkar hafa verið magnaðir og þeir eiga skilið að eiga einn dag á Wembley," segir Hermann en með sigrinum á Birmingham um helgina

„Þegar við vorum síðast í undanúrslitum bikarsins þá var öll pressan á okkur því við vorum eina úrvalsdeildarliðið eftir í keppninni. Nú höfum við allt að vinna," sagði Hermann að lokum.