John Terry: Alex heldur mér og Carvalho á tánum

John Terry, fyrirliði Chelsea, var ánægður með frammistöðu félaga síns í miðri Chelsea-vörninni, Alex, í 2-0 sigri á Stoke City í ensku úrvalsdeildinni um helgina. Brasilíumaðurinn Alex var kosinn besti maður vallarins í leiknum.

„Það kemur mér á óvart þegar hann kemur inn í liðið og spilar svona vel," sagði John Terry.

„Hann er ekki reglulegur byrjunarliðsmaður en þegar hann spilar þá stendur hann sig frábærlega. Hann átti tvær frábærar tæklingar í þessum leik og þá sérstaklega þá á Tuncay," sagði Terry.

„Það er undir mér og Riccy (Ricardo Carvalho) að halda sæti okkar í liðinu en Alex heldur okkur á tánum," segir Terry.

„Riccy er tognaður aftan í læri en vonandi kemur hann til baka sem fyrst og spilar eins vel og Alex. Það skapar vandamál fyrir stjórann en ætti að vera gott fyrir liðið," sagði Terry.