Mancini: Það er ekkert vandamál á milli mín og Bellamy

Knattspyrnustjórinn Roberto Mancini hjá Manchester City hefur þvertekið fyrir þær sögusagnir í breskum fjölmiðlum í dag um að hann og framherjinn Craig Bellamy hafi rifist heiftarlega á æfingarsvæði félagins á miðvikudag.

Talað var um að Mancini hafi ráðlagt Bellamy að taka sinn tíma til þess að ná sér góðum af hnémeiðslum sínum og láta ekki sjá sig aftur á æfingarsvæði félagsins fyrr en hann væri orðinn hundrað prósent leikfær.

„Það er ekkert vandamál á milli mín og Bellamy. Við töluðum bara saman en ég öskraði ekkert að honum eða neitt slíkt. Þetta er ekkert hæft í því sem stendur í blöðunum og hann verður klár í slaginn á sunnudag gegn Liverpool," sagði Mancini í viðtali við Sky Sports fréttastofuna.